Բրիտանացի պատգամավորները կասկածում են, որ երկրի կառավարությունը՝ Դեվիդ Քեմերոնի ղեկավարությամբ, շրջանցելով ԵՄ-ի պատժամիջոցները, զենք է վաճառում Ռուսաստանին:
Այս մասին գրել է The Times-ը՝ շեշտելով, որ խորհրդարանի անդամները ցանկացել են պարզել` ինչու է Բրիտանիան շարունակում զենքի վաճառք իրականացնել Ռուսաստանի հետ` Ուկրաինայում տեղի ունեցող իրադարձությունների ֆոնին:
Խորհրդարանականները պահանջում են նաև ստուգել` արդյո՞ք զենքի և կրկնակի նշանակության տեխնոլոգիաների մատակարարման բոլոր գործող արտոնագրերը համապատասխանում են ԵՄ պատժամիջոցների պահանջներին:
