ՀՀԿ առաջնորդ Սերժ Սարգսյանի իշխանավարումը որպես վարչապետ շարունակելու դեմ պայքարը ղեկավարող «Ելք» խմբակցության ղեկավար Նիկոլ Փաշինյանը կիրակի օրը հրապարակեց քաղաքացիական անհնազանդության զանգվածային գործողությունների ծրագիր, որով նախատեսում է, մասնավորապես փողոցների, կամուրջների, մետրոպոլիտենի արգելափակում: Այսօր առավոտվանից ցուցարարները փակել էին Երևանի փողոցները, մեծ քանակությամբ ոստիկանական ուժեր էին կուտակվել քաղաքի տարբեր հատվածներում: Քայլերթից և փողոցները փակելուց հետո ցուցարարները ակցիան շարունակեցին Բաղրամյան պողոտայում և Ֆրանսիայի հրապարակում: Երբ Փաշինյանը հայտարարեց, որ քայլերթով բարձրանան Բաղրամյան պողոտան և արգելափակեն ԱԺ շենքը, ոստիկանությունը բիրտ միջոցների դիմեց, ինչի արդյուքնում 46 մարդ տուժեց, այդ թվում՝ 6 ոստիկան: Ներկայացնում ենք բախումները ներկայացնող տեսանյութ:
