Ադրբեջանի իշխանությունները այսօր ձերբակալել և 15-30 օր կալանքի տակ են առել «Ադրբեջանի ժողովրդական ճակատ» կուսակցության 4 ակտիվիստի, որոնք մեղադրվում են, թե իբր չեն կատարել իրավապահների օրինական պահանջը։
2 օրից նույն ընդդիմադիր ուժը մտադիր է ցույցեր անցկացնել երկրի մայրաքաղաքում «Ո´չ կոռուպցիային», «Ազատությո´ւն քաղբանտարկյալներին» և «Ազատությո´ւն Ղարաբաղին» կարգախոսներով։
Ընդդիմադիր ուժի ներկայացուցիչներն արդեն արձանագրել են այս խախտումներն ու հայտարարել, որ միայն այս տարվա ընթացքում նման ձերբակալության և կալանքի են ենթարկվել իրենց խմբի 50 անդամ։
