Այսօր Ադրբեջանի պաշտպանության նախարար Զաքիր Հասանովը հայտարարել է, որ վերջին շրջանում մեծացել է պատերազմը վերսկսելու հավանականությունը:
Այս մասին Հասանովն ասել է ՊՆ կենտրոնական շտաբում տեղի ունեցած խորհրդակցության ժամանակ: Այս մասին տեղեկանում ենք Ադրբեջանի ՊՆ կայքից:
Հասանովը հանձնարարել է առաջնագծում և թիկունքում ուժեղացնել հետախուզական աշխատանքները, մարտական պատրաստության բերել զորքը, ապահովել անհրաժեշտ պարագաներով, ինչպես նաև անցկացնել ինտենսիվ ուսումնամարզական վարժություններ:
Հասանովը հրահանգել է պատրաստ լինել մարտական գործողությունների:
Այսպիսով, Ադրբեջանը շարունակում է իր սադրիչ հայտարարությունները և սպառնալիքներն ուղղված հայկական կողմին:
