Անցնող տարվա կարևոր իրադարձություններն է ներկայցնում քաղաքագետ Նարեկ Գալստյանը, ում կարծիքով առանձնապես լուրջ և էական փոփոխություններ չեն եղել, իսկ դրա համար պետք է ռեսուսներն օգտագործել:
-Տարին ավարտվում է, և դա առիթ է, որպեսզի տարբեր քաղաքական գործիչներ ամփոփեն տարին: Դուք` որպես քաղաքագետ, ինչ կասեք, արտաքին քաղաքական դաշտում, եղե՞լ են կարևոր իրադարձություններ, որոնք արժանի են իսկապես հիշատակման: Որո՞նք եք հատկապես կարևորում:
-Արտաքին քաղաքականության ասպարեզում եղել են տարբեր իրադարձություններ, և հասել ենք հանգուցային վերջնակետերի, իհարկե դա դեռ չի խոսում դրական վերջնակետերի մասին: Նախ անցնող տարում մեզ հետաքրքրում էր, արդյոք Թուրքիան իր ներսում քաղաքական կամք կդրսևորի թե ոչ:Համոզվեցինք, որ այն ամբողջ գործընթացը, որ տեղի ունեցավ Թուրքիայի համար գործիք էր: Բացի այդ արձանագրությունները միանշանակ չընդունվեցին նաև հայ հասարակության կողմից: Ամեն դեպքում հայ-թուրքական արձանագրությունները կասեցված են և հավանաբար ընտրություննրից հետո կշարունակվեն: Ես կառանձնացնեի նաև Ֆրանսիայի ԱԺ-ում ընդունված օրինագիծը, որն այն աստիճանի էր գազազեցրել թուրքական իշխանություններին, որը ես կներեք բայց կանվանեի լկտիություն:
-Իսկ Լեռնային Ղարաբաղի հիմնախնդրի կարգավորման հարցում կա՞ր փոփոխություն:
-Ադրբաջանական հարցում, այո, ևս ունենք ձեռքբերում, որն էական համարել չեմ կարող: Եթե նախկինում միջազգային կառույցները ընդհանուր գնահատական էին տալիս, ապա հիմա տեսնում ենք, որ միջազգային հանրությունը ավելի հասցեագրված գնահատակններ է տալիս:
-Արդյո՞ք դա բավարար է, և պետք է ուրախ լինել, որ անցնող տարում հասանք դրան:
-Իհարկե, դա լուրջ և էական փոփոխություն չէ: Գործնական տեսանկյունից ոչ մի փոփոխություն և առաջընթաց չկա: Ես լուրջ տեղաշարժ չեմ տեսնում, բայց հայտարարություններից, որոնք միշտ հնչել են, բայց ոչինչ առանձնապես չեն տվել:
-Իսկ ներքաղաքական դաշտում ի՞նչ իրադարձություններ եղան, որոնք Դուք հատկանշական եք համարում:
-Կարելի է ասել, որ թուլացավ լարվածությունը, որը կար արմատական ընդդիմության և կոալիցիայի միջև:Ավելի մեղմացել է իշխանությունների վերաբերմունքը` ընդդիմության նկատմամբ:
-Օրինակ:
-Օրինակ` Նիկոլ Փաշինյանի ազատ արձակումը, երկխոսության փորձերը:
-Արդյո՞ք դրանք կարելի է համարել դրական տեղաշարժ:
-Ոչ, իրականում, դրանք դրական տեղաշարժեր չեն, բայց ինչ-որ չափով վերացրեց այն ագրեսիան, որը ձևավորվել էր հասարակության ներսում:
-Տարբեր քաղաքագետներ պնդում են, որ անցնող տարում սկսվեց նախընտրական քարոզարշավ, ՞ինչ կասեք, արդյոք այդպես էր:
-Այո, հետաքրքիր հանգամանք է, որ ընտրաշավը սկվեց մոտ 5 ամիս առաջ` եթե չեմ սխալվում, և դա բավականին շուտ է: Չափազանց կարևորում եմ, որ դիմադիր և ընդդիմադիր քաղաքական գործիչները բարձր մակարդակով անցկացնեն ընտրությունները, որի ակնկալիքն ունի հասարակությունը:
-Եթե չեմ սխալվում, հասարկությունն ամենից շատ ունի նորմալ և բարեկեցիկ ապրելու ակնկալիք, որն էլ պիտի որ ստեղծվի նաև քաղաքական տարբեր գործընթացներից հետո: Արդյո՞ք ճիշտ եմ:
-Այո ճիշտ եք:Բայց երբեմն կատարված գործողությունները դրական են ազդում, ավելի ուշ, քան գործողությունների ավարտը: Իհարկե, անելիքներ շատ կան, գուցե դրական հետևանք հետո լինի:
-Կարծո՞ւմ եք:
-Կարծում եմ անելքիներ դեռ շատ կան:
-Լավ, իսկ ի՞նչ ակնակլիքներ ունեք եկող տարվա կտրվածքով:
-Ես լավատես եմ, և կարծում եմ, որ ընտրությունները, լավ կընթանան, և կստեղծվի պլատֆորմ` որը կբերի լուրջ փոփոխությունների: Մենք լուրջ ռեսուրսներ ունենք, ու եթե լավ օգագործենք, Հայաստանում կձևավորվի սոցիալ-տնտեսկան բազա, որը թույլ կտա լուրջ գործընթացների` ինչպես ներքին, այնպես էլ արտաքին քաղաքականության մեջ` որն էլ կբերի ձեռբերումների:
