Նախքան հոդվածիս բուն նյութին անցնելը, նախ ասեմ, որ երիտասարդ եմ ու չեմ կարծում, որ ժամանակներն այնքան են փոխվել, որ ես դրանից հետ եմ մնացել ու իմ մտածելակերպը դոփում է նույն տեղում: Ու չնայած հետադիմական հայացքներ չունեմ, բայց ինչպես ասում են, ուղեղիս մեջ չի տեղավորվում, թե ինչպես կարող է 21 տարեկան երիտասարդը ոչ ավել, ոչ պակաս տատիկ բռնաբարել: Եվ այս երևույթը կրի շարունակական բնույթ: Չեմ ուզում հավատալ, որ նման քայլի դիմողը միայն հայկական արմատներ ունի: Անընդհատ խոսում ենք բիրտ ու անտաշ թուրքերից, ովքեր մոտ 1 դար առաջ են հայերին բռնաբարել ու ծեծի ենթարկել: Բա ո՞ւր մնաց մեր հայավարի արժանապատվությունը: Մինչ հասարակությունը փորձում է մարսել հերթական անոմալիկ իրադարձությունը, տեղի է ունենում հաջորդը: Ու սկսում ենք փնտրել մեղավորներին ու պատճառները: Բոլորը դատապարտում են ու վերջ: Իսկ գո՞ւցե անտարբերությունն ու անպատիժ լինելն է նման քայլերի պատճառները: Որոշ ժամանակ առաջ էլ նորից մի երիտասարդ էր 82-ամյա տատիկ բռնաբարել: Մի՞թե մեր երիտասարդները չկարողանալով երիտասարդ աղջիների շրջանում իրենց ցանկությունները հանգցնել, տատիկներին միջոցով են փորձում կրքերը մեղմել ու խեխճերին օր ծերության խայտառակել, բռնության ենթարկել ու պղծել: Իբրև քիչ էր այն, որ ուսուցիչը աշակերտներ էր բռնաբարում, հիմա էլ տատիկներին են անցել: Վերջերս պատժեցին Նուբարաշենի թիվ 11 հատուկ դպրոցի հայոց լեզու և գրականության ուսուցիչ Լևոն Ավագյանին: Դատարանն ապացուցված է համարել, որ Ավագյանը 2006-2008թթ. 16 տարին չլրացած աշակերտուհիների նկատմամբ բռնի, անառակաբարո գործողություններ է կատարել։
Հոգեբանական գիտությունների թեկնածու, մանկավարժական համալսարանի զարգացման և կիրառական հոգեբանության ամբիոնի դոցենտ, «Այգ» հոգաբանական ծառայությունների գլխավոր մասնագետ Ռուբեն Պողոսյանը, բայց այսօր արդեն վստահ է` հայ ազգը փաստի առաջ է կանգնած: Ռուբեն Պողոսյանն ասում է, որ այդպիսի երևույթներ շատ են պատահում Հայաստանի սահմներից դուրս: «Բայց այստեղ էլ նմատիպ երևույթներ շատ կան, օրինակ հայրը աղջկա, իսկ մորեղբայրը` զարմուհու հետ է կենակցում: Հայ ընտանիքի դիմագիծն է փոխվել>>,-ասում է նա ու խոսում պատճառների մասին, որոնք կարող են շատ լինել: «Այստեղ մեծ դերակատարում ունի սոցիալական վիճակը: Նորմալ մարդը չի կարող այդպիսի քայլի դիմի, եթե նրան ասենք օրինակ չդրդեն, չստիպեն: Պատճառները շատ են: Շատ են հանդիպում մարդիկ, որ ինտելեգենտ են, խելացի, բայց մի օր մարդասպանություն են անում: Ես ամենաշատը վախենում եմ նրանից, որ այն չկրի զանգվածային բնույթ: Եթե կյանքը մտնի փակուղի, հենց այդպես էլ կլինի, իսկ կյանքը հիմա շատ բարդ է» ,-ասում է հոգեբանը: Նմանատիպ երևույթները կանխելու հավանաբար շատ տարբերակներ կան, ու դա պետք է լինի բարձր մակարադակով ու բարձր շրջանակներում: Իսկ հոգեբանն էլ առաջարկում է ստեղծել ծնողական համալսարան ու կրթել, ստեղծել բարոյական կերպար, «պետք են հոգեբանական թրեյնինգներ» ,-համոզված է Ռուբեն Պողոսյանը: Թե ինչ պիտի անել նման իրավիճակից գոնե դուրս գալու համար, փորձեցինք պարզել, համաքաղաքացիներից. Նրանք միաբերան ասում են. «Պիտի հրապարակայնորեն նրան վառել» :
Ո՞վ կմտածեր, որ մի օր էլ ինչ-ինչ բայց հաստատ բարոյական կերպարով մշտապես աչքի ընկնող հայը, այսպիսի իրավիճակում է հայտվելու: Ամոթալի է նույնիսկ դրան որևէ որակում տալը: Յուրաքանչյուրը թող գտնի պատասխան, թե ինչպես կարող է 21-ամյա երիտասարդը տատիկ բռնաբարել…..
Մանկապիղծ Լեւոն Ավագյանը դատապարտվել է ընդամենը 2 տարվա ազատազրկման
