«Ազատություն» ռ/կ-ի պարսկերեն ծառայության հաղորդմամբ՝ ռուսական «Ատոմ Ստրոյ Էքսպորտ» ընկերությունը հայտարարել է, որ մայիսի 8-ին ավարտվել են տեխնիկական վերջին աշխատանքները ատոմակայանում, ուրանի վառելանյութը տեղադրվել է ցենտրիֆուգներում, և ատոմակայանն արդեն նվազագույն հզորությամբ սկսել է իր աշխատանքը:
Իրանական գործակալությունները հաղորդում են, որ Բուշեհրի ատոմակայանը մինչև երկու ամիս աշխատելու է այդ ռեժիմով, իսկ ժամկետի ավարտից հետո պաշտոնապես հայտարարվելու է նրա բացման մասին, և ատոմակայանում արտադրված էլեկտրականությունը մուտք է գործելու երկրի էլեկտրական ցանցեր:
Հիշեցնենք, որ 2011-ի փետրվարին Բուշեհրի ատոմակայանում տեխնիկական խնդիրների պատճառով դադարեցվել էր աշխատանքը, և ռուսական ընկերությունը ուրանի ողջ վառելանյութը դուրս էր հանել ցենտրիֆուգներից: Ռուսները իրանցի մասնագետներին մեղադրում էին ատոմակայանում հին արտադրության սարքավորումներ օգտագործելու համար:
