Թուրքիա-ԵՄ հարաբերությունները սրվել են Ցեղասպանությանը վերաբերող կետի պատճառով

Թուրքիան չեղյալ է հայտարարել Ստամբուլում սպասվելիք Թուրքիա-ԵՄ խորհրդարանական  հանձնաժողովի նիստը։

Թուրքական լրատվամիջոցների փոխանցմամբ՝ ԵՄ խորհրդարանի կողմից Թուրքիայի հետ կապված 442 կետանոց փոփոխությունների առաջարկությամբ զեկույցը, որի մեջ հավելվել է նաև Հայոց ցեղասպանությանը վերաբերող կետ, սրել է Անկարայի և Բրյուսելի միջեւ հարաբերությունները։

Ըստ այդմ՝ Թուրքիան միակողմանիորեն չեղյալ է հայտարարել փետրվարի 18-19-ին Ստամբուլում կայանալիք Թուրքիա-ԵՄ խորհրդարանական հանձնաժողովի նիստը։