Forbes ամսագիրը հրապարակել է աշխարհի միլիարդատերերի ցուցակը, որում 2017-ին ընդգրկվել է 2043 մարդ։ Մեկ տարի առաջ աշխարհում 1810 միլիարդատեր կար, հայտնում է Meduza–ն։
Ցուցակի առաջատարը կրկին Microsoft–ի հիմնադիր Բիլ Գեյթսն է՝ 86 մլրդ դոլար կարողությամբ։ Գեյթսին վերջին 23 տարիներին 18 անգամ անվանել են մոլորակի ամենահարուստ մարդը՝ անցած տարի նրա կարողությունն աճել է ավելի քան 10 մլրդ-ով։ Երկրորդ տեղում ներդրող Ուորեն Բաֆետն է ՝ 75․6 մլրդ դոլարով։
Երրորդ տեղը զբաղեցրել է Amazon–ի հիմնադիր Ջեֆֆ Բեզոսը, որի կարողությունը գնահատվում է 72․8 մլրդ դոլար։ Բեզոսը մեկ տարում 27․6 միլիարդով շատ է վաստակել, քան Forbes–ի ցուցակի մյուս միլիարդատերերը։ Հագուստի խանութների Zara ցանցի սեփականատեր Ամանսիո Օրտեգան՝ 71․3 մլրդ-ով , չորրորդ տեղում է հայտնվել, իսկ հինգերորդ տողում՝ 56 միլիարդով Facebook–ի հիմնադիր Մարկ Ցուկերբերգն է։
Աշխարհի 2043 ամենահարուստ մարդկանց ընդհանուր կարողությունը կազմում է 7․67 տրիլիոն դոլար։
