Ադրբեջանի պետական սահմանապահ ծառայության ստորաբաժանումներից մեկն արդեն մեկնել է հայ-ադրբեջանական շփման գծի մարտական որոշ դիրքեր: Այս մասին հաղորդում է Razm.info-ն՝ հղում անելով ադրբեջանական «Խազար» հեռուստաընկերությանը:
Հիշեցնենք, որ դեկտեմբերի 14-ին հայտնի դարձավ, որ Ադրբեջանի նախագահը հանձնարարել է Պետական սահմանապահ ծառայությանը պահպանության վերցնել Հայաստանի և Ադրբեջանի սահմանի Ղազախ-Աղստև հատվածը՝ փոխարինելով բանակի ստորաբաժանումներին
Նշենք, որ խոսքը դեռևս Ղազախ-Աղստև սահմանի ընդամենը մի հատվածի մասին է:
Լրատվամիջոցը ենթադրում է, որ առաջնագիծ է բերվել «Շամխորի» սահմանապահ ջոկատի ենթակայության տակ գտնվող ուղեկալներից մեկի անձնակազմը: Մեծ հավանականությամբ նրանք տեղակայված են Բաղանիս-Ոսկեպար հատվածի մարտական դիրքերում:
