Մեկ շաբաթ առաջ Վայքում գրանցվել է երեխայի մահվան հերթական դեպքը:
Տեղեկության համաձայն, Վայքի Ազատեկ գյուղի բնակիչ Նվերի հինգ ամսական դուստր Սեդան կեղծ կրուպով հիվանդ է եղել: Որոշ բուժում ստանալուց հետո Վայքի բուժմիավորման մանկական բժշկուհի Փառանձեմը նրան պատվաստում է նշանակել:
Ծնողների մտահոգությանն ի պատասխան, թե երեխայի տարած հիվանդությունը խնդիր չի՞ հարուցի, բժշկուհի Փառանձեմը վստահեցրել է թե` ոչ մի խնդիր չի լինի:
Պատվաստման հաջորդ առավոտյան փոքրիկն այլևս չի արթնացել: Ծնողները ոչ մի կերպ չեն կարողանում հաշտվել իրականության հետ:
Հինգ ամսական երեխայի մահվան հանգամանքներն այժմ քննվում են ոստիկանությունում:
Վայքի հիվանդանոցում աշխատող բժշկուհի Փառանձեմի մասին տեղի բնակիչները լավ կարծիքի են: Նա հոգատար մասնագետի համբավ ունի:
Իսկ թե արդյոք երեխայի մահվան պատճառը կոնկրետ ինչն է եղել դեռ պարզ չէ:
Հիշեցնենք, որ Վայքի ծննդատանը ամիսներ առաջ տեղի ունեցած միջադեպը բժշկի անհոգատար վերաբերմունքի արդյունքն են հանդիսացել:
