Turan լրատվական գործակալությանը տված հարցազրույցում Արտաքին քաղաքականության հարցերով ամերիկյան խորհրդի ավագ գիտաշխատող, Պետքարտուղարության եւ Պենտագոնի նախկին պաշտոնյա Ուեյն Մերին նշել է, որ Ղարաբաղյան հակամարտությունը մոտենում է հալման կետին:
«Խնդիրն այն է, որ չկա ռազմական հավասարակշռություն, ընդհակառակը` առկա է ասիմետրիա հայերի պաշտպանական հնարավորությունների եւ ադրբեջանցիների կուտակած ուժի միջեւ: Ոչ ոք չի կարող կանխատեսել նոր պատերազմի ելքը, բացի այն բանից, որ այն սկզբունքորեն տարբերվելու է առաջին պատերազմից եւ ավելի ավերիչ է լինելու»,- ընդգծել է Մերին:
Իսկ, թե ինչպիսին է լինելու ԱՄՆ-ի եւ Ռուսաստանի դիրքորոշումը պատերազմի վերսկսման դեպքում, վերջինս պատասխանել է. «Ո’չ ԱՄՆ-ը, ո’չ էլ Ռուսաստանը բացեիբաց չեն պաշտպանի այս կամ այն կողմին, թեև Ռուսաստանը, անկասկած, պայմանագրային պարտավորություններ ունի Հայաստանի հետ: Նրանք կփորձեն քաղաքական միջոցներով արագ դադարեցնել հակամարտությունը, սակայն միայն Ռուսաստանը ներուժ ունի` Բաքվի կամ Երևանի վրա անմիջական ճնշում գործադրելու»:
