Թուրքիայի էներգետիկայի նախարար Թաներ Յըլդըզը հրահանգել է Վանի երկրաշարժից հետո այդ շրջանում ստուգել ռադիոակտիվության մակարդակը, քանի որ համոզմունք ունի, որ Մեծամորի ատոմակայանից արտահոսք է եղել.: Գրում է Hürriyet պարբերականը:
Թուրքիան որոշակի իրավական քայլերի է պատրաստվում դիմել ընդդեմ աշխարհի հնացած ատոմակայանների, այդ թվում` Մեծամորի ատոմակայանի: Վստահեցրել է թուրք նախարարը:
Գործիչը նաև դժգոհություն է հայտնել, որ բոլորը խոսում են` իբրև թե ատոմակայանները փակելու են, բայց իրականում նորերն են կառուցում:
Եվ զավեշտալին այն է, որ այսքան բողոքների հետ մեկտեղ հենց Թուրքիան մտադիր է ատոմակայն կառուցել, որի համար պատրաստ է ներդնել 20 մլրդ դոլար:
