Սյունիքի մարզի Խոզնավար գյուղում գիշերվանից լսվում են գյուղի վերևի հատվածում տեղակայված հայկական դիրքերի ուղղությամբ ադրբեջանական ստորաբաժանումների կողմից իրականացվող հրետակոծության ձայները։ Միայն կեսօրից հետո համեմատաբար թուլացել է ինտենսիվությունը, բայց գյուղից մի քիչ վերև ընկած հատվածը ևս թշնամու հրետակոծության տակ է։ Այդ մասին «Փաստինֆո»-ին ասաց Խոզնավարի վարչական ղեկավար Վահան Զաքյանը։
«Գիշերն ահավոր ինտենսիվ հրետակոծում էին մեր դիրքերը։ Ադրբեջանցիների թիրխում էր նաև գյուղից մի քիչ վերև ընկած հատվածը։ Գնդակների, պայթյունների ձայները բավականին մոտիկից են լսվում»,-ասաց Զաքյանը՝ հավելելով, որ կանայք ու երեխաները գյուղից տարհանվել են։
