2 բնակարան, 31 միլիոն դրամի ավանդ, 9 միլիոն դրամ աշխատավարձ. Աննա Դանիբեկյանի հայտարարագիրը

04/07/2020 23:05

2 բնակարան, 31 միլիոն դրամի ավանդ, 9 միլիոն դրամ աշխատավարձ. Աննա Դանիբեկյանի հայտարարագիրը
Երևան քաղաքի առաջին ատյանի ընդհանուր իրավասության դատարանի դատավոր Աննա Դանիբեկյանը պաշտոնատար անձանց էթիկայի հանձնաժողով է ներկայացրել իր տարեկան հայտարարագիրը։

Եվ այսպես, 2020 թվականի մայիսի 30-ին Աննա Դանիբեկյանը հայտարարագրել է 2 բնակարան՝ բազմաբնակարան շենքում, որոնցից մեկը բաժնային սեփականությամբ՝ (1/3) մյուսը՝ միանձնյա։
 
Որպես բնակարանների հասցե նշված է Շենգավիթ վարչական շրջանը. բնակարանների արժեքը՝ պաշտպանված է (հրապարակված չէ):

Հայտարարատու Դանիբեկյանը հաշվետու տարում հայտարարագրել է հանձնած և վերադարձված ավանդներ՝ 31 միլիոն դրամի չափով։

Դատավորի բանկային հաշիվների մնացորդները (բացառությամբ ավանդների) կազմել են 1,118,342.00 ՀՀ դրամ և 1.00 եվրո:

Որպես կանխիկ գումար՝ Դանիբեկյանը հայտարարագրել է 200,000.00 ՀՀ դրամ, 500.00 ԱՄՆ դոլար, 2,500.00 եվրո։

Դատավորը որպես աշխատանքի վարձատրության և դրան հավասարեցված այլ վճարումներ՝ հայտարարագրել է 9,813,337.00 ՀՀ դրամ, իսկ տրված փոխառությունների դիմաց ստացված տոկոսը և այլ հատուցումները կազմել են 1,593,799.00 ՀՀ դրամ, 335,372.00 ՀՀ դրամ և 897,534.00 ՀՀ դրամ։

2019 թվականի ընթացքում ձեռք բերված և օտարված անշարժ գույք, տրանսպորտի միջոց, բաժնային արժեթղթեր և այլ ներդրումներ, պարտքային և այլ արժեթղթեր, ինչպես նաև ութ միլիոն դրամից կամ դրան համարժեք արտարժույթից ավելի արժեք ունեցող գույքը (թանկարժեք գույք) Աննա Դանիբեկյանը չի հայտարարագրել։

2019 թվականին ներկայացրած հայտարարագրում Աննա Դանիբեկյանը դարձյալ նույն պաշտոնում՝ Երևան քաղաքի առաջին ատյանի ընդհանուր իրավասության դատարանի դատավոր, հայտարարագրել է տարվա սկզբում՝ 10,833.00 ԱՄՆ դոլար արժեքով մեկ բնակարան՝ բազմաբնակարան բնակելի շենքում, որը, սակայն, հարկային տարվա վերջում արդեն առկա չի եղել։

Այս թեմայով

Հայագիտություն

Էլ. փոստ՝ [email protected]

Գովազդի համար զանգահարել՝ (+374)93789764

© All rights reserved

Գտեք Մեզ `