Կորոնավիրուսի դեպքեր են արձանագրվել Երևանում և 7 մարզերում

24/03/2020 23:05

Կորոնավիրուսի դեպքեր են արձանագրվել Երևանում և 7 մարզերում
Այս պահի դրությամբ կորոնավիրուսի դեպքեր արձանագրվել են Երևանում, Արմավիրի, Արարատի, Արագածոտնի, Կոտայքի, Սյունիքի, Շիրակի և Լոռու մարզերում, ուղիղ եթերում ասաց ՀՀ վարչապետ Նիկոլ Փաշինյանը:

«Այս դեպքերի մեծ մասի ծագումնաբանությունը մեզ հայտնի է։ Կորոնավիրուսի տարածման 3 զարգացող ճյուղ ենք ունեցել՝ Իրանից ժամանած մեր հայրենակիցները, Էջմիածնի մեր հայրենակիցները և Երևանի արտադրամասի մեր հայրենակիցները», - ասաց վարչապետը։

Նա նշեց, որ մարտի 23-ի հետազոտությունները, սակայն, ցույց են տվել, որ չի հաջողվել կանխել ճյուղերից մեկի՝ Երևանի արտադրամասի ճյուղի զարգացումը.

«Պայքարում էինք Երևանի արտադրամասի ճյուղի հետագա զարգացումը կանխելու համար։ Մարտի 23-ի ախտորոշումների վերլուծությունը, սակայն, ցույց է տալիս, որ Երևանի արտադրամասի ճյուղը, հնարավոր է, մեզ համար անվերահսկելի զարգացում է ունեցել, քանի որ նոր դեպքեր ենք արձանագրել Երևանի և Չարենցավանի այլ արտադրամասերում: Սա մեզ հանգեցերեց եզրակացության, որ պետք է մեկ շաբաթով շատ ավելի խիստ սահմանափակումներ կիրառենք»։
Փաշինյանը նշեց, որ այսօրվանից առնվազն մեկ շաբաթով երկրում գործում են նոր սահմանափակումներ, ինչը նշանակում է, որ հազարավոր ձեռնարկությունների աշխատանքը դադարեցվելու է և թույլատրվելու է միայն կենսական անհրաժեշտ կազմակերպությունների գործունեությունը, մարդկանց միայն կենսական անհրաժեշտ տեղաշարժը։

Այս թեմայով

Ֆեյսբուք

Հայագիտություն

«ՖրիՎոյսՆյուզ»ՍՊԸ

Էլ. փոստ՝ [email protected]

Գովազդի համար զանգահարել՝ (+374)93789764

© All rights reserved

Գտեք Մեզ`