Եվրամիությունը հուլիսի 1-ից կբացի սահմանները Վրաստանի համար

29/06/2020 10:20

Եվրամիությունը հուլիսի 1-ից կբացի սահմանները Վրաստանի համար

ԵՄ անդամ երկրների դեսպանները համաձայնեցրել են այն 14 երկրների ցանկը, որոնք կարող են Եվրամիություն մուտք գործել հուլիսի 1-ից, ցանկում ներառվել է նաև Վրաստանը: Այս մասին տեղեկացնում է kvira.ge կայքը՝ հղում տալով ֆրանսիական Le Monde հրատարակությանը:

Ցանկը դեռևս վերջնականորեն պետք է հաստատվի հունիսի 29-ին:

Ցանկում չեն ներառվել այնպիսի երկրներ, ինչպիսիք են Հայաստանը, ԱՄՆ-ն, Ռուսաստանը, Իսրայելը, Թուրքիան և Սաուդյան Արաբիան. այս երկրներում կորոնավիրուսի տարածումը շատ սուր փուլում է գտնվում:

Բացի Վրաստանից, ցուցակում ներառվել են նաև Ավստրալիան, Նոր Զելանդիան, Ճապոնիան, Հարավային Կորեան, Կանադան, Չեռնոգորիան (Մոնտենեգրո), Սերբիան, Թաիլանդը, Ուրուգվայը, Ռուանդան, Ալժիրը, Մարոկկոն և Թունիսը:

 

Այս թեմայով

Հայագիտություն

Էլ. փոստ՝ [email protected]

Գովազդի համար զանգահարել՝ (+374)93789764

© All rights reserved

Գտեք Մեզ `