Դա Գագիկ Ծառուկյանի անձնական կարծիքն է, որը հիմնված է նախկին հիշողության վրա. Ալեն Սիմոնյանը՝ Ծառուկյանի հայտարարությունների մասին

06/06/2020 18:29

Դա Գագիկ Ծառուկյանի անձնական կարծիքն է, որը հիմնված է նախկին հիշողության վրա. Ալեն Սիմոնյանը՝ Ծառուկյանի հայտարարությունների մասին
«Քննարկվեց կորոնավիրուսային իրավիճակը Հայաստանում, քննարկվեցին բազմաթիվ հարցեր, նաև՝ ԲՀԿ հայտարարությունը»,- լրագրողների հետ զրույցում՝ ներկայացնելով «Իմ քայլը» խմբակցության նիստում քննարկված հարցերը, ասաց ԱԺ փոխնախագահ Ալեն Սիմոնյանը:

Անդրադառնալով ԲՀԿ կուսակցության ղեկավար Գագիկ Ծառուկյանի հայտարարություներին, թե իշխանությունը ձախողել է բոլոր ոլորտներում ևՀայաստանը գնում է կործանման, Ալեն Սիմոնյանն ասաց. «Հայաստանում կառավարությունը փոխում է մի սուբյեկտ՝ Հայաստանի քաղաքացին, ժողովուրդը: Դա Գագիկ Ծառուկյանի անձնական կարծիքն է, որը հիմնված է նախկին հիշողության վրա, երբ նա համագործակցում էր նախկին իշխանությունների հետ երկար տարիների ընթացքում և նման հայտարարություններով, միգուցե, ինչ-որ սակարկումների, ինչ-որ խոսակցությունների, ինչ-որ բաների սկիզբ էր դնում:

Այս պարագայում՝ սա այդ դեպքը չի, իսկ մնացածի հետ կապված՝ մենք շատ շուտով կտեսնենք` ինչ կլինի քաղաքական դաշտում և համացանցում տեղ գտած ասեկոսեների վերաբերյալ»,- ասաց Ալեն Սիմոնյանը:

Հարցին՝ նրանք, ովքեր պահանջում են վարչապետի, կառավարության հրաժարականը, արդյոք այդ բոլոր ուժերը պայմանավորվածությա՞ն են հանգել՝ մեկ ճակատով գրոհ կատարել, ԱԺ փոխնախագահը պատասխանեց, որ ցանկանում է, որ նրանք բոլորը մի տեղ հավաքվեն և նրանց բոլորի համար հստակ լինի, թե ով՝ ով է:

Այս թեմայով

Հայագիտություն

Էլ. փոստ՝ [email protected]

Գովազդի համար զանգահարել՝ (+374)93789764

© All rights reserved

Գտեք Մեզ `